Քուրդ լրագրող Սելահաթթին Սորոն թուրքական «Ozgür Gündem» ընդդիմադիր թերթի կայքում հեղինակել է մի հոդված, որտեղ տեսակետ է հայտնում, թե Թուրքիան Ղարաբաղում Ռուսաստանից վրեժ է լուծում Սիրիայի համար: Լրագրողի կարծիքով իրականում և Ռուսաստանը և ԱՄՆ-ն կողմ են, որպեսզի Ղարաբաղն անկախ լինի:
Սորոյի դիտարկմամբ՝ թեև մինչև հիմա Ղարաբաղի անկախությունը չի ճանաչվել, ներկայում որոշակի «քողարկված ճանաչման» գործընթաց է ընթանում:
«Տարածաշրջանային բոլոր խնդիրներում Ռուսաստանն ու Թուրքիան զարմանալիորեն իրար դեմ են դուրս գալիս. այդպես էր Վրաստանում, Ուկրաինայում, Սիրիայում: Այդպես է հիմա Ղարաբաղում: Բայց եթե Թուրքիան ուղղակիորեն միջամտի ղարաբաղյան գործընթացին, ապա դա կարող է, ի վերջո, հանգեցնել թուրք-ռուսական պատերազմի»:
Քուրդ լրագրողի ձեռք բերած չստուգված տեղեկությունների համաձայն՝ «ԻՊ-ի շուրջ 150 զինյալ Թուրքիայի տարածքով տեղափոխվել է Ադրբեջան: Դրանք ուղարկվել են Հայաստանի դեմ կռվելու համար: Բախումների գոտում որոշ գլխատման դեպքերի մասին տեղեկությունները, թերևս, գալիս են հաստատելու վերոնշյալ թեզը»:
Ermenihaber.am
Leave a Reply