Թուրքիայի փոխվարչապետ Թուղրուլ Թյուրքեշը 40 երկրների ներկայացուցիչների մասնակցությամբ Ստամբուլում անցկացվող Եվրասիական տնտեսական գագաթնաժողովում անդրադարձել է հայ-ադրբեջանական բախումների թեմային: Միևնույն ժամանակ աջակցություն է հայտնել ադրբեջանական կողմին:
Ըստ թուրքական «Haberport.com» կայքի` Թյուրքեշը շեշտելով, որ Թուրքիան ուրախանում է տարածաշրջանի ժողովուրդների ուրախությամբ և տխրում նրանց տխրությամբ, ցավակցություն է հայտնել վերջին օրերին տեղի ունեցած բախումների ժամանակ զոհված ադրբեջանցի զինվորների համար:
Թուրքիայի փոխվարչապետը շուտափույթ ապաքինում է մաղթել վիրավոր ադրբեջանցի զինվորներին, որոնք կռվել են «ադրբեջանական հինավուրց հող» հանդիսացող Ղարաբաղի համար:
«Թուրքիան նախկինի նման շարունակելու է միջազգային ամենատարբեր հարթակներում սատար կանգնել ադրբեջանցի եղբայրների արդար նպատակներին և պաշտպանել դրանք»,-եզրափակել է Թուղրուլ Թյուրքեշը:
Ermenihaber.am
Leave a Reply