Իսպանիայի երկու քաղաքներ ճանաչել են Հայոց ցեղասպանությունը

Իսպանիայի Թագավորության երկու քաղաքներ՝ Պուենտե Խենիլը (Puente Genil) եւ Ռոդա դե Անդալուսիան (La Roda de Andalucía), ապրիլի 5-ին պաշտոնապես ճանաչել են Հայոց ցեղասպանությունը։

Համապատասխան բանաձեւերը երկու քաղաքներում էլ ընդունվել են քաղաքային խորհրդում ներկայացված բոլոր քաղաքական ուժերի միաձայն համաձայնությամբ։

Բանաձեւերում դատապարտվում է Թուրքիայի կողմից ժխտողականությունը, եւ Իսպանիայի մյուս քաղաքներին ու կենտրոնական իշխանություններին կոչ է արվում հետեւել իրենց օրինակին եւ նույնը հորդորել Թուրքիային։

Համապատասխան որոշումների ընդունմանը հաջորդող ելույթներում Պուենտե Խենիլի եւ Ռոդա դե Անդալուսիայի քաղաքապետերը շեշտել են այդ որոշումների կանխարգելիչ բնույթը, մարդկության դեմ հանցագործությունների անժամկետ լինելու հանգամանքը ու դրանց քաղաքական գնահատական տալու անհրաժեշտությունը:

http://news.am/arm/news/320871.html