Թուրքիայի նախագահ Ռեջեփ Թայիփ Էրդողանը թուրքական «Կարմիր Մահիկ» կազմակերպության խորհրդի նիստում ունեցած ելույթի ընթացքում անդրադարձել է նաև Լեռնային Ղարաբաղի հակամարտության սրմանը՝ ասելով.
«Թուրքիան Ղարաբաղի հարցում մշտապես Ադրբեջանի կողքին է եղել և կշարունակի լինել: Ղարաբաղը մի օր անպայման իր իսկական տիրոջը կվերադարձվի. Ադրբեջանինը կլինի: Ես հավատում եմ դրան»: Այս մասին հայտնում է թուրքական «Սաբահ» պարբերականը:
Իր ելույթում Էրդողանը ընդգծելով Ադրբեջանի նախագահ Իլհամ Ալիևի հետ իր եղբայրական հարաբերությունները ասել է. «Վերջերս Անկարայի դեպքերից հետո Ադրբեջան պիտի գնայի, չգնացի: Իմ եղբայր Ալիևը զանգեց ու ասաց, որ ինքը կգա: Եկավ՝ այստեղ մեր ցավը կիսեց: Այդ հանդիպման ժամանակ Ալիևի հետ մեր եղբայրական գրկախառնությունը ուղերձ էր աշխարհին»:
Ermenihaber.am
Leave a Reply