ԱԳ փոխնախարար. Թուրքիան խրախուսում է ագրեսորի գործողությունների շարունակմանը

Թուրքիան խրախուսում է ագրեսորի գործողությունների շարունակմանը: Այս մասին ասել է Հայաստանի փոխարտգործնախարար Շավարշ Քոչարյանը՝ Tert.am-ի հետ զրույցում մեկնաբանելով Թուրքիայի իշխանությունների արձագանքը ԼՂ հակամարտության գոտում իրավիճակի կտրուկ սրմանը:

«Ցավալի է, որ Թուրքիայի համար մարդկային զոհերի կշիռն ազգային պատկանելիությամբ է պայմանավորված:

Նման ռասիստական հայտարարություններով Թուրքիան խրախուսում է ինքնորոշված Լեռնային Ղարաբաղի Հանրապետության դեմ ագրեսորի գործողությունների շարունակմանը:

Դա նաեւ տեղավորվում է Թուրքիայի ներկայիս իշխանությունների վարած քաղաքականության տրամաբանության մեջ, որի արդյունքն է անկայունության, ահաբեկչության եւ արյունահեղության ալիքի տարածումը թե Թուրքիայի ներսում, թե իր սահմաններից դուրս»,–ասել է նա։

http://news.am/arm/news/320317.html