Թուրք հայտնի մտավորականը Էրդողանի դեմ դատական հայց է ներկայացրել

Թուրք հայտնի մտավորական, պրոֆեսոր Բասքըն Օրանը Թուրքիայի նախագահ Ռեջեփ Թայիփ Էրդողանի դեմ դատական հայց է ներկայացրել։

Թուրքական Hürriyet-ի փոխանցմամբ՝ Անկարայի համալսարանի պրոֆեսոր Բասքըն Օրանը նախագահ Էրդողանին խաղաղության կոչ արած մտավորականների հասցեին վիրավորական արտահայտություններ թույլ տված Էրդողանի դեմ դատական հայց է ներկայացրել։

Բասքըն Օրանը նշել է, որ Էրդողանը ծայրաստիճան վիրավորական արտահայտություն է օգտագործել մտավորականների նկատմամբ։ Նա շեշտել է, թե Էրդողանն իր հայտարարություններով նաեւ թիրախավորել է մտավորականներին՝ անուղղակի հրահանգելով դատական մարմիններին նրանց դեմ հետաքննություն սկսել։

Բասքըն Օրանը դատական հայցով Էրդողանի 4 ելույթների արտահայտությունների համար պահանջել է 10 հազար լիրա փոխհատուցում` անձնական վիրավորանք հասցնելու համար։

Նշենք, որ մի խումբ թուրք եւ արտասահմանցի մտավորականներ նախագահ Էրդողանին կոչ էին արել խաղաղություն հաստատել քրդերի հետ եւ չկոտորել նրանց, ինչը խիստ կատաղեցրել էր Էրդողանին։

http://news.am/arm/news/319410.html