Տեղի կունենա «Մուսա լեռան 40 օրը» գրքի հունգարերեն վերահրատարակության շնորհանդեսը

Մարտի 29-ին, ժ.14.30-ին ՀՀ սփյուռքի նախարարության աջակցությամբ տեղի կունենա «Մուսա լեռան 40 օրը» գրքի հունգարերեն թարգմանության վերահրատարակության շնորհանդեսը (հասցեն՝ Վ. Սարգսյան 3, ՀՀ սփյուռքի նախարարության շենքի 9-րդ հարկի դահլիճ):

Բացման խոսքով հանդես կգան ՀՀ սփյուռքի նախարարի տեղակալ Սերժ Սրապիոնյանը, Հունգարիայի Հայ ազգային ինքավարության ղեկավարի տեղակալ Ալեքս Ավանեսյանը:

2015թ. ապրիլին Հայոց ցեղասպանության 100-րդ տարելիցի միջոցառումների շրջանակում հունգարահայ համայնքի կողմից հունգարերեն թարգմանությամբ վերահրատարակվեց Ֆրանց Վերֆելի «Մուսա լեռան 40 օրը» վեպը:

Վեպն առաջին անգամ հրատարկվել է 1933թ. և մեկ տարի անց արժանացել «Տարվա լավագույն վեպ» միջազգային միցանակին: Այն լույս է տեսել մոտ մեկ միլիոն օրինակով և թարգմանվել աշխարհի 36 լեզուներով: Հունգարիայում վեպն առաջին անգամ թարգմանվել և հրատարակվել է 1945թ.՝ այնուհետև վերահրատարակվել է 1957, 1965, 1966, 1973, 1978, 2001 և 2015 թվականներին:

Hayernaysor.am