Թուրքիայում ձերբակալվել են Ստամբուլի ահաբեկչության կազմակերպման մեւջ կասկածվողներ

Ստամբուլում տեղի ունեցած ահաբեկչությանը մասնակցության կասկածանքով 5 մարդ է ձերբակալվել: Այս մասին հայտարարել է Թուրքիայի ՆԳ նախարար Էֆքան Ալան:

Նրա խոսքով, քաղաքի կենտրոնում իրեն պայթեցրել է Մեհմեդ Օզթյուրքը, որը կապ ուներ «Իսլամական պետություն» ահաբեկչական խմբավորման հետ: Ալան նշել է, որ զինյալը ծնվել էր 1992 թ., Գազիանթեփ քաղաքում: Այս մասին գրում է Lenta-ն՝ վկայակոչելով Reuters-ը:

Ստամբուլում մարտի 19-ին զբոսաշրջիկների շրջանում մեծ ճանաչում ունեցող Իսթիքլյալ փողոցում մահապարտ-ահաբեկիչը պայթեցրել էր իրեն: Ահաբեկչության հետեւանքով 5 մարդ է զոհվել (այդ թվում՝ մահապարտը), 36 հոգի, այդ թվում՝ 12 օտարերկրացիներ, վիրավորվել են:

Ահաբեկչության զոհ են դարձել Իսրայելի 3 քաղաքացիներ, որոնցից երկուսը նաեւ ամերիկյան քաղաքացիություն ունեին, ինչպես նաեւ Իրանի քաղաքացի: Վիրավորների թվում հայ կա:

http://news.am/arm/news/317861.html