Անկարայի ահաբեկչական գործողության պատասխանատվությունը ստանձնել են «Քուրդիստանի ազատության բազեները»

Մարտի 13-ին Թուրքիայի մայրաքաղաք Անկարայի Քըզըլայ շրջանում տեղի ունեցած ահաբեկչական գործողության պատասխանատվությունն ստանձնել է «Քուրդիստանի ազատության բազեներ» (TAK) խմբավորումը:

Թուրքական ‘Haberler’ լրատվամիջոցի իրազեկմամբ` TAK-ը նման հայտարարություն է տարածել իր պաշտոնական կայքում: Այդ խմբավորումը համարվում է «Քուրդիստանի բանվորական կուսակցությանը» (ՔԲԿ-PKK) հարող թևերից մեկը:

Նշյալ հայտարարությունում հաստատվել է այն փաստը, որ ահաբեկչությունն իրականացրած կին մահապարտը Սեհեր Չալղա Դեմիրն է եղել:

Նշենք, որ վերոնշյալ ահաբեկչական պայթյունի հետևանքով, ըստ պաշտոնական տվյալների, զոհվել էր 37 մարդ: Ավելի վաղ` փետրվարի 17-ին, Անկարայում կրկին ահաբեկչական գործողություն էր իրականացվել, որին զոհ էր գնացել 28 մարդ: Եվ դարձյալ TAK-ն էր ստանձնել գործողության պատասխանատվությունը:

Ermenihaber.am