Ահաբեկչության սպառնալիքի պատճառով Գերմանիան փակում է Անկարայում դեսպանատունը

Գերմանիայի իշխանությունները որոշել են փակել Անկարայում երկրի դեսպանատունը։

Ինչպես տեղեկացնում է Reuters գործակալությունը, պատճառը մոտալուտ հարձակման հնարավորությունն է։
Այլ մանրամասներ չեն հաղորդվում։

Անկարայում մարտի 13-ին տեղի ունեցած խոշոր ահաբեկչությունից առաջ երկրում ԱՄՆ դեսպանատունը նախազգուշացրել էր հնարավոր սպառնալիքի մասին։

Պայթյունից հետո ևս դեսպանատունը հայտարարել էր, որ նոր հարձակումը չի բացառվում։ ԱՄՆ դեսպանատունն անգամ ենթադրյալ ահաբեկչության օրն էր նշել՝ մարտի 20-ը։
Կիրակի երեկոյան Անկարայի կենտրոնում՝ Թուրքիայի վարչապետի գրասենյակներից մեկից ոչ հեռու, ականապատ ավտոմեքենա է պայթեցվել։ Պայթյունը տեղի է ունեցել այն պահին, երբ մեքենան գտնվել է երկու ավտոբուսների մեջտեղում։ Զոհվել է 37, վիրավորվել՝ 125 մարդ։

http://www.tert.am/am/news/2016/03/17/ankara-germany/1965425