Ստամբուլում մարտի 15-ին ավազակային հարձակման ենթարկված, հայտնի հայ բժիշկ Հակոբ Կոթողյանի կնոջը չեն հոսպիտալացրել. նա հետազոտության է ենթարկվել եւ տուն գնացել: Այս մասին NEWS.am-ի թղթակցին ասաց Ստամբուլի հայկական «Ժամանակ» թերթի խմբագիր Արա Գոչունյանը:
«Այս պահին դեռեւս հայտնի չէ, թե ովքեր են կողոպտել Կոթողյաններին: Հայտնի է միայն, որ երեք հոգի են եղել, որոնք մտել են տուն, կապել Սյուզան Կոթողյանին եւ գումար պահանջել»,- ասաց Արա Գոչունյանը՝ նշելով, որ ամուսինները միայնակ էին ապրում, իսկ բժիշկը դեպքի պահին տանը չի եղել:
Նշենք, որ ըստ Ստամբուլի հայկական «Ակօս» թերթի՝ հանցագործները չհրկիզվող պահարանից հափշտակել են 1,5 մլն լիրա (540 հազար դոլար) ու հեռացել։
Սուզան Կոթողյանը կարողացել է մի կերպ ազատվել կապանքներից ու զանգել ոստիկանություն։ Ոստիկանների հետ դեպքի վայր մեկնած շտապօգնության աշխատակիցները կնոջը հիվանդանոց են տեղափոխել։
http://news.am/arm/news/317157.html
Leave a Reply