Գլենդելի միացեալ կրթաշրջանը դարձաւ երկրում առաջինը, որի դպրոցները պաշտօնապէս փակ կը լինեն` ի յիշատակ Հայոց Ցեղասպանութեան

Գլենդել, Կալիֆորնիա.- 2016թ.ի Մարտի 15ին, երեկոյեան ժամի 8:30ին, Գլենդելի Միացեալկրթաշրջանի Կրթական խորհուրդը միաձայնութեամբ քուէարկեց` Ապրիլի 24ը որպէս «ՀայոցՑեղասպանութեան Յիշատակման Օր» սահմանելու բանաձեւի օգտին, ըստ որի՝ շրջանում գործողբոլոր 14 դպրոցներն այդ օրը չեն աշխատելու: Այս բանաձեւը, որ բնոյթով առաջինն է Սփիւռքում, կըգործի Գլենդելի Միացեալ կրթաշրջանի ողջ համակարգում:

Նախքան խորհրդի քուէարկութիւնը, համայնքի կազմակերպութիւնները, ղեկավարներն ու անդամները բեմ բարձրացան` զօրակցութեան խօսք ասելու բանաձեւի օգտին: Խօսնակների թւում էին Գլենդելի Հայ Դատի Յանձնախմբի ատենապետ Զարեհ Աճեմեանը, հանրային կապերի պատասխանատու Գեւ Իսկաջէանը եւ Հայ Դատի Յանձնախմբի Արեւմտեան Շրջանի տնօրէն Էլեն Ասատրեանը:

Գլենդելի Հայ Դատի Յանձնախմբի ատենապետ Զարեհ Աճեմեանն իր խօսքում մասնաւորապէս նշեց, «գլենդելի Միացեալ Կրթաշրջանի կրթական խորհրդի կողմից ընդունուող բանաձեւը, որ հաստատւում է նաեւ Գլենդելի Ուսուցիչների Միութեան, Կ’ալիֆորնիայի Դպրոցների Աշխատաղների Միութեան Գլենդելի մասնաճիւղի եւ Գլենդելի Դպրոցների Տնօրենների Միութեան կողմից` պատմական որոշում է: Այս բանաձեւը, որ մշակուել է ի պատասխան Հայ Դատի Յանձնախմբի Գլենդելի մասնաճիւղի նախաձեռնութեան, եւ համայնքի պահանջներին, վկայում է, որ մեր քաղաքի կրթական ոլորտի բոլոր պաշտօնեաները ոչ միայն յարգում են իրենց ընտրողներին, նաեւ` յարգաքնի տուրք են մատուցում Հայոց Ցեղասպանութեան աւելի քան 1.5 միլիոն անմեղ զոհերին: Սա նաեւ ապացոյցն է, առկայ այն գիտակցութեան, որ անհրաժեղտ է ցեղասպանութեան ճանաչումը: Ես հաւատացած եմ, որ այս բանաձեւը դրական ազդեցութիւն կ’ունենայ մեր համայնքի եւ յաջորդ սերունդների համար: Սա միայն մեր համայնքի յաղթանակը չէ, այլ` ողջ մարդկութեան եւ մէկ քայլ առաջ է դէպի աշխարհ` առանց ցեղասպանութիւնների»: Աճեմէանը ապա շարունակեց «գլենդելի Հայ Դատի Յանձնախմբի անունից նաեւ իբրեւ ցեղասպանութէան վերապրող ընտանիքի զաւակ շնորհակալութիւն եմ յայտնում կարթաշրջանին եւ իրեն յարակից կազմակերպութիւնների ղեկավարութեան եւ կոչ եմ անում միաձայնութէամբ անցկացնել այս բանաձեւը»:

Միաժամանակ, Ասատրեանը նշեց, որ շրջանը երկար ճանապարհ է անցել` առարկան պատշաճ ուսուցանելու համար, եւ դրուատեց ղեկավարների ջանքերը` կոչ անելով ընդունել բանաձեւը: Ասատրեանը շարունակեց` նշելով, որ «հայոց Ցեղասպանութեան Յիշատակումը նման ձեւով, ոչ միայն յարգանքի տուրք է Ցեղասպանութեան պատճառով կորսուած աւելի քան 1.5 միլիոն կեանքերի, նաեւ` Ամերիկեան ժողովրդին, ովքեր իրենց կեանքն են վտանգել ճամփորդելով եւ օգնելով շուրջ 132 հազար որբերի, մէկ միլիոն փախստականների եւ վերջապէս` փրկելով հայ ազգին ոչնչացումիցէ»:

«Ոչ միայն կարեւոր է, որ մենք յիշենք այս օրը, այլեւ պէտք է շարունակենք կրթելու գործընթացն այնքան ժամանակ, մինչեւ ամբողջ աշխարհը ճանաչի Հայոց Ցեղասպանութիւնը, մինչեւ մենք ապրենք աշխարհում, որտեղ չկայ ցեղասպանութիւն», յայտարարեց Գլենդելի Միացեալ Կրթաշրջանի կրթական խորհրդի անդամ Նայիրի Նահապետեանը:

Բանաձեւն արդիւնքն էր բազմաթիւ ստորագրահաւաքների, առցանց` սոցիալական կայքերում արշաւների եւ Հայ Դատի Յանձնախմբի Գլենդելի մասնաճիւղի նուիրեալ ջանքերի, ինչի արդիւնքում այս տեսլականն իրականութիւն դարձաւ:

Նախորդ մի քանի տարիներին, իւրաքանչիւր տարուայ համար առանձին բանակցութիւններ էին տարւում, որի արդիւնքում համաձայնութիւն էր ձեռք բերւում Ապրիլի 24ը համարել ոչ աշխատանքային օր եւ փակել դպրոցները` յայտարարելով ազատ օր: Մարտի 15ի որոշմամբ, Ապրիլ 24ը, այսուհետ մշտապէս կը համարուի ոչ աշխատանքային` եւ կը յայտարարուի որպէս Հայոց Ցեղասպանութեան յիշատակման օր Գլենդելի Միացեալ Կրթաշրջանի բոլոր դպրոցների համար:

Բանաձեւն ընդունուեց միաձայն`կրթական խորհրդի բոլոր հինգ անդամները քուէարկեցին բանաձեւի օգտին եւ իւրաքանչիւր անդամ խօսեց յօգուտ բանաձեւի եւ նրա պատմական նշանակութեան:

«Այս բանաձեւի շուրջ գործընթացն ընթանում էր շուրջ վեց տարի, եւ մենք անչափ երախտապարտ ենք բոլոր նրանց, ովքեր աշխատեցին տարիներ շարունակ` հասնելու այս պատմական օրուանէ, նշեց Իսկեջեանը: «մեր սրտագին երախտագիտութիւնն ուղղուած է Գլենդելի Միացեալ Կրթաշրջանի նախագահ Ուոլթերզին, կրթաշրջանի խորհրդի անդամներ Գրեգ Գրիգորեանին, Դոկտոր Արմինէ Կարապետեանին, Նայիրի Նահապետեանին եւ Ջենիֆեր Ֆրիմոնին, Գլենդելի Ուսուցիչների Միութեանը, Կ’ալիֆորնիայի Դպրոցների Աշխատաւորական Միութեան Գլենդելի մասնաճիւղին, Գլենդելի Դպրոցների Տնօրենների Միութեանը, եւ յատկապէս մեր համայնքին, քանզի նրանց ղեկավարութեամբ եւ մեր հաւաքական ջանքերով էր, որ յաջողուեց անցկացնել այս աննախադէպ օրինագիծը», յայտնեց Հայ Դատի Յանձնախմբի Գլենդելի մասնաճիւղի հանրային կապերի պատասխանատու Գեւ Իսկեջեանը:

Asbarez.com