ՀՀ ԱԳՆ սգում է Անկարայի պայթյունի զոհերի համար.Տիգրան Բալայան

Հայաստանի արտաքին գործերի նախարարությունը ցավակցություն է հայտնել Թուրքիայի մայրաքաղաք Անկարայում իրականացված ահաբեկչության առնչությամբ:

Այս մասին ՀՀ արտգործնախարարության մամուլի խոսնակ Տիգրան Բալայանը «Թվիթեր»-ի իր միկրոբլոգում գրառում է կատարել: «Մենք սգում ենք Անկարայի պայթյունի զոհերի համար: Մեր ցավակցությունները զոհերի ընտանիքներին»,- ասվում է գրառման մեջ:

Հիշեցնենք, որ Թուրքիայի մայրաքաղաք Անկարայում կիրակի տեղի ունեցած խոշոր պայթյունի զոհերի թիվը հասել է 34-ի։

Ինչպես տեղեկացնում է «Հուրրիյեթ» թերթի կայքը, երկրի առողջապահության նախարար Մեհմեթ Մուեզզինօղլուն հայտնել է, որ վիրավորների թիվը 125 է։ Նրանցից 19-ի վիճակը գնահատվում է ծայրահեղ ծանր։

http://www.tert.am/am/news/2016/03/14/Tigran-balayan/1961343