ԱՄՆ Պետդեպը Թուրքիային մեղադրել է խոսքի ազատության ոտնահարման համար

Թուրքիայի հանդեպ ԱՄՆ-ի պահանջների ցուցակն ավելանում է։ Նախկինում պատճառը Սիրիայի քրդերն էին: Իսկ այժմ ավելացել է նաև խոսքի ազատության հետ կապված իրավիճակը:

Պետդեպում ճեպազրույցի ընթացքում Անկարային մեղադրել են Սահմանադրության խախտման և ժողովրդավարության սկզբունքներից հեռանալու համար: Եվ այդ ամենը` ընդդիմադիր Zaman թերթին ճնշելու պատճառով, գրում է Вести-ն:

«Թուրքիայի իշխանությունները շարունակում են որոշումներ ընդունել, որոնք անմիջականորեն հակասում են ժողովրդավարական սկզբունքներին, որոնք գրանցված են նրանց սեփական Սահմանադրությունում: Խոսքի ազատությունը դրանցից մեկն է»,- ասել է Պետդեպի ներկայացուցիչ Ջոն Քիրբին:

Նրա խոսքով՝ վերջին շրջանում Թուրքիայում մամուլի ազատության առումով միտումը դրական չէ: Պաշտոնյան նշել է, որ իրենք շատ անհանգստացած են ԶԼՄ-ներում տիրող իրավիճակով:

http://www.tert.am/am/news/2016/03/09/usa/1956245