Թուրքիայի Բաթման քրդաբնակ նահանգում ինքնավարություն հայտարարելու հիմքով հարուցված քրեական գործի շրջանակներում մեղադրանք է առաջադրվել 54 մարդու, որոնց շարքերում են նաև Բաթմանի համաքաղաքապետեր Սաբրի Օզդեմիրը և Գյուլիսթան Աքելը:
Ըստ թուրքական «Sondakika.com» լրատվական կայքի` դատախազությունը բոլոր մեղադրյալների համար պահանջել է ցմահ ազատազրկում:
Բաթմանի ծանր հանցագործությունների 2-րդ դատարանն արդեն ընդունել է նույն գործով դատախազության կազմած մեղադրական եզրակացությունը:
Մեղադրական եզրակացության մեջ ասվում է, որ ինքնավարության հռչակմանը մասնակցած 54 անձինք ազդեցություն են գործել լայն զանգվածների վրա
Դատախազությունը նշյալ 54 անձանց «պետության միասնությունն ու երկրի ամբողջականությունը խաթարելու» մեղադրանք է առաջադրել և պահանջել ցմահ ազատազրկում` խստացված ռեժիմով:
Ermenihaber.am
Leave a Reply