Պետդեպն ամերիկացիներին նախազգուշացրել է դեպի Թուրքիա ուղեւորությունների վտանգի մասին

ԱՄՆ Պետքարտուղարությունը հայրենակիցների համար տարածել է նախազգուշացում դեպի Թուրքիա ուղեւորությունների վտանգի մասին:

«Պետքարտուղարությունը ԱՄՆ քաղաքացիներին կոչ է անում խուսափել Թուրքիա մեկնելուց: Վերջերս կատարված ահաբեկչությունների ու միջազգային ու տեղական խմբավորումների կողմից սպառնալիքի մակարդակի բարձրացման կապակցությամբ ԱՄՆ հպատակները պետք է ծայրաստիճան զգույշ լինեն Թուրքիա ճամփորդելիս»,- ասված է նախազգուշացման մեջ, հայտնում է «ՌԻԱ Նովոստին»:

Ամերիկացիներին առաջին հերթին խորհուրդ են տալիս «խուսափել Թուրքիայի հարավ արեւելյան մաս, մանավանդ Սիրիայի հետ սահմանակից շրջաններ ճամփորդելուց»: Բացի դրանից՝ նրանց խորհուրդ են տալիս «խուսափել մարդկանց մեծ կուտակումներից, այդ թվում՝ զբոսաշրջային վայրերում, քաղաքական ցույցերում ու երթերում»: Նրանք նաեւ պետք է «զգույշ ու զգոն լինեն հանրային վայրեր այցելելիս»:

Ինչպես հայտնել են պետքարտուղարությունից, «ուժի մեջ են մնում դեպի Թուրքիայի հարավարեւելյան շրջաններ ԱՄՆ կառավարության ներկայացուցիչների ուղեւորությունների սահմանափակումները»:

http://news.am/arm/news/314442.html