ԼԵՆՍԻՆԿ, Միշիկըն.- Երեքշաբթի, փետրուար 23ի երեկոյեան, Միշիկընի նահանգային խորհրդարանը վաւերացուց պետական վարժարաններուն մէջ Հայոց Ցեղասպանութեան եւ Հրէական Ողջակիզման դասաւանդումը պահանջող թիւ 4493 բանաձեւը:
Միշիկընի Հայ Դատի յանձնախումբը կը տեղեկացնէ, թէ խորհրդարանականներուն ջախջախիչ մեծամասնութիւնը (110էն 84ը) բանաձեւին կողմ քուէարկած է։ Այժմ բանաձեւը պէտք է վաւերացուի նահանգային Ծերակոյտին կողմէ։
Բանաձեւը ներկայացուած է Միշիկընի նահանգային խորհրդարանի անդամ Քլինթ Քեսթոյի կողմէ։
Հայոց Ցեղասպանութեան կր-թական յանձնախումբի ատենապետ Էտ Յարութիւնեան ողջունեց այս որոշումը՝ միաժամանակ շեշտելով, որ համայնքի զանազան հայկական եկեղեցիներն ու կազմակերպութիւնները համագործակցած էին այս բանաձեւին վաւերացումը ապահովելու նպատակով։
Asbarez.com
Leave a Reply