Թուրքիայի կառավարության՝ ազգային փոքրամասնություններին վերաբերող որոշման համաձայն, Աղթամարի Սուրբ Խաչ եկեղեցում պատարագ կարելի է մատուցել ոչ միայն տարին մեկ անգամ, այլ ավելի հաճախ՝ երբ լինի դրա անհրաժեշտությունը:
Yerkirmedia.am-ի փոխանցմամբ՝ Պոլսի հայոց պատրիարքական ընդհանուր փոխանորդ Արամ արքեպիսկոպոս Աթեշյանը սրա առնչությամբ ասել է, որ Սուրբ Խաչ եկեղեցում առայժմ կարող են տարին միայն մեկ անգամ պատարագ մատուցել, որովհետեւ դրան մանակցողները քիչ են եւ տարին մեկ անգամ են կարողանում գալ:
Ըստ պատրիարքական փոխանորդի, նախորդ տարիներին արարողությանը մասնակցում էր ավելի քան հազար հավատացյալ, բայց այդ թիվն աստիճանաբար պակասում է: Արամ արքեպիսկոպոս Աթեշյանն ասել է, որ Թուրքիայի կառավարության որոշումն իրենց համար պարտադիր չէ, բայց եթե արտերկրից խմբեր գան եւ պատարագ մատուցելու համար դիմեն պատրիարքարանին, իրենք կարող են օգտվել այդ իրավունքից:
Hayernaysor.am
Leave a Reply