Թուրքիայի Արդվինում արտակարգ իրավիճակ է հայտարարվել

Թուրքիայի Արդվին նահանգում հանքաարդյունաբերական կենտրոն կառուցելու դեմ դուրս եկած բնապահպանների, ակտիվիստների ու հազարավոր քաղաքացիների բողոքի ցույցերը ցրելու համար իշխանությունները արտակարգ դրություն են հայտարարել։

Թուրքական Sözcü պարբերականի փոխանցմամբ՝ թուրքական իշխանությունները մեծ թվով ոստիկաններ ու ժանդարմերիայի զինծառայողներ են տեղափոխել Արդվին, որից հետո փակել են Արդվին մտնող ու դուրս եկող ճանապարհները։

Նշվում է, որ Թուրքիայի տարբեր վայրերից Արդվինի բնությունը պաշտպանելու համար ավտոբուսներով դեպի Արդվին են մեկնում բազմաթիվ քաղաքացիներ, որի դեմն առնելու համար իշխանությունները որոշել են արտակարգ դրություն հայտարարել՝ ոստիկանության ու քաղաքացիների միջեւ բախումներից խուսափելու համար։

Նշենք, որ Արդվինում մետաղների արդյունահանման համար նախատեսվել է անտառների հատում, ինչը կատաղեցրել է տեղի բնակչությանն ու բազմաթիվ բնապահպանների։

http://news.am/arm/news/312777.html