Թուրքական բուրժուազիայի կողոպտման դարավոր պատմությունը…
«Էվրենսել» հրատարակությունը հրատարակել է երկու հատորից բաղկացած` Նևզաթ Օնարանի նոր գիրքը, որում քննության է ենթարկվում թուրքական ազգայնականության տնտեսական քաղաքականությունը… Գրքում ուսումնասիրվում է Առաջին համաշխարհային պատերազմի ժամանակ Միություն և առաջադիմություն կուսակցության կառավարության «ուրիշների» ունեցվածքի լուծարման հիմքում ընկած տնտեսական քաղաքականության պատմությունը` սկսած 1915 թ. մինչև մեր օրերը:
Հետազոտության մեջ շեշտվում է, որ 1920-ական թթ. հանրապետության «ազգային քաղաքականությունը» հիմնվել է Միություն և առաջադիմություն կուսակցության տնտեսական քաղաքականության վրա և հետևաբար հանդիսանում է այդ քաղաքականության բնական շարունակությունը: Միաժամանակ այս երկու գրքում վերլուծության է ենթարկվում, թե Օսմանյան կայսրության վերջին շրջանում և Հանրապետական Թուրքիայի առաջին տարիներին ինչպես է պետության միջոցով յուրացվել «ուրիշների» գույքը և կուտակվել թուրք-իսլամական կապիտալը»: Օնարանի աշխատությունն ուսումնասիրում է թուրքական ազգայնականության «արյունոտ» տնտեսական քաղաքականությունը և դրա ազդեցությունը այդ հողերի վրա բնակվող ոչ թուրքերի և մուսուլմանների վրա:
Գրքում Օնարանն օգտագործել է Թուրքիայի կառավարությանը կից օսմանյան և հանրապետական արխիվային փաստաթղթերը և «Ակօս» ու «Ջումհուրիյեթ» թերթերի արխիվային նյութերը: Ուսումնասիրել է տնտեսական քաղաքականության մասին օրենքն ու դրույթները, ինչպես նաև` օրենքի վերաբերյալ խորհրդարանում կատարված քննարկումները:
http://www.evrenselbasim.com/tanim.asp?sid=MIKLIYY1214Q71XNZIT1
Թարգմանեց Անահիտ Քարտաշյանը
Akunq.net
Leave a Reply