Թուրք նախկին նախարարն աջակցություն է հայտնել քրիստոնյա դարձած քաղաքական գործչին

Թուրքիայի արդարադատության նախկին նախարար Սադուլլահ Էրգինն անդրադարձել է գլխավոր ընդդիմադիր Ժողովրդահանրապետական կուսկացության (CHP-ԺՀԿ) մամուլի խոսնակ Սելին Սայեք Բյոքեի կրոնական հայացքների մասին խոսակցություններին: Իր թվիթերյան էջում գրառում է արել՝ աջակություն հայտնելով ԺՀԿ-ի խոսնակին: Նա ընդգծել է, որ տարիներ շարունակ պաշտպանել է անհատի դավանանքի ազատության իրավունքը: Ըստ նախկին նախարարի գրառման՝ անընդունելի է ԺՀԿ մամուլի խոսնակի հավատքը և դավանանքը քննարկման առարկա դարձնելը:

Նշենք, որ օրեր առաջ թուրքական մամուլում լուրեր էին տարածվել, թե Բյոքեն մկրտվել և քրիստոնյա է դարձել: ԺՀԿ-ական մի շարք գործիչներ մտահոգություն էին հայտնել այս առնչությամբ՝ նշելով, որ ցանկալի չէ, որ կուսակցության մամուլի խոսնակի պաշտոնը քրիստոնյա ղեկավարի:

Բյոքեն քրիստոնյա դառնալու վերաբերյալ հայտարարության էր տարածել: Նա նշել է, որ ամաչում է, որ 21-րդ դարում ստիպված է պատասխանել ատելություն պարունակող լուրերի: «Իմ ընտանիքը, արմատները, ծագումը հայտնի են: Վախենալու, թաքցնելու ոչինչ չունեմ: Իրականում պետք է ամաչեն նրանք, ովքեր ատելություն են սերմանում: Ես այսօր ամաչում եմ նրանց փոխարեն: Իմ ընտանիքը դարեր շարունակ այս հողերում է ապրել, նրանք էլ այս երկրի քաղաքացի են, ինչպես մյուսները: Իմ ընտանիքի մի հատվածը քրիստոնյա է, մյուս հատվածը՝ մահմեդական»,-հայտարարել է Բյոքեն՝ ընդգծելով, որ ինքը ևս Թուրքիայի քաղաքացի է, ինչպես մյուսները:

Աղբյուր` Ermenihaber.am