«Թուրքիան չի հասկանում Հայկական հարցի լրջությունը»

Համաձայն «Turkishny.com» կայքում լույս տեսած հարցազրույցի՝ Թուրք-ամերիկյան միությունների համագումարի նախագահ Մեհմեդ Թոյը հայտնել է, որ «Թուրքիան չի հասկանում Հայկական հարցի լրջությունը»:

Մ. Թոյը հարցազրույցի ժամանակ անդրադարձել է 2014 թ. պաշտոնը ստանձնելուց ցայսօր Հայկական հարցի ուղղությամբ կատարած քայլերի: Ըստ նրա՝ Թուրք-ամերիկյան միությունների համագումարը Ամերիկայի տարբեր քաղաքներում՝ Նյու Յորք, Նյու Ջերսի, Չիկագո և Կանադայի Օտտավա և Տորոնտո քաղաքներում 24 սեմինար է կազմակերպել, որտեղ զեկույցներով հանդես են եկել պորֆեսորներ Մ. Գյունտերը, Ջ. ՄքՔարտին և Մ. Փերինչեքը:

Մ. Թոյը շեշտելով, որ Թուրքիայում չեն հասկանում Հայկական հարցի լրջությունը, նշեց. «Նախ տեղեկացանք, որ Գործարարների եւ արդյունաբերողների թուրքական ասուցիացիան (TUSIAD) Բողազիչի համալսարանի հետ, հետո էլ Բիլգի համալսարանը Հայկական հարցի վերբերյալ գիտաժողով են կազմակերպելու, որոնց մասնակիցներից բոլորը Թուրքիայի դեմ են: Անմիջապես նամակ գրեցի Գործարարների եւ արդյունաբերողների թուրքական ասուցիացիային և Բողազիչիին՝ պահանջելով, որ երկու կողմն էլ հավասար ներկայացված լինի գիտաժողովին: Նամակիս Գործարարների եւ արդյունաբերողների թուրքական ասուցիացիան պատասխանեց, իսկ Բողազիչին՝ ոչ:

Գիտաժողովը կայացավ: Բիլգի համալսարանի ղեկավարությունը նամակագրության արդյունքում հրաժարվեց գիտաժողովից, սակայն տեղեկացանք, որ մեկ ամիս հետո այս գիտաժողովը կայանալու է Բողազիչի համալսարանում: Դիմելով Բողազիչի համասարանի ռեկտորին՝ պահանջեցի, որ կա՛մ գիտաժողովը չեղյալ հայտարարեն, կա՛մ էլ ներառեն մարդկանց, ովքեր կպաշտպանեն թուրքական թեզը: Օրինակ, եթե նրանք երեք հոգով են ներկայանում, ես էլ երեք հոգի ուղարկեմ: Ցանկացա, որ արդարություն լինի: Ասացի, որ եթե դուք նույնը կարողանաք Հայաստանում կազմակերպել, ապա ես ցանկացած աջակցությամբ հանդես կգամ: Նամակիս պատասխան չեկավ, և ես տարբեր ատյաններում պահանջեցի Բողազիչի համալսարանի ռեկտորի հրաժարականը: Ուզում եմ ասել՝ համոզված եմ, որ Թուրքիայում չեն հասկանում Հայկական հարցի լրջությունը: Երբ ապրիլի 24-ին մենք երթի էինք դուրս գալիս Ամերիկայում, ուզում էի, որ Թուրքիայում էլ մարդիկ փողոց դուրս գան և դեմ արտահայտվեն այս ստին: Մենք Թուրքիայում նման աջակցություն չենք տեսնում: Որոշ համալսարաններում փորձում են մեր թեզին հակառակ թեզեր պաշտպանել: Շատ տխուր է տեսնել, թե Թուրքիայի մեծացրած զավակներն ինչպես են թիկունքից հարվածում Թուրքիային»:

Akunq.net