ԵՐԵՒԱՆ, «Էրմենիհապեր».- Թուրքիոյ խորհրդարանի ծրագրումի եւ ամավարկի յանձնաժողովի քննարկումներուն մասնակցող հայազգի պատգամաւոր Կարօ Փայլան իր ելոյթին ընթացքին անդրադարձած է նաեւ հայ-թրքական սահմանին փակ ըլլալու իրողութեան՝ նշելով, որ եթէ անիկա բաց ըլլար, ապա Հայաստան իր առեւտուրի մեծ մասը Թուրքիոյ հետ պիտի ընէր:
Ըստ թրքական «Սոնտաքիքա» լրատուական կայքին՝ Փայլան մասնաւորապէս ըսած է. «23 տարի է, որ Հայաստանի հետ սահմանը փակ է: Հիմնաւորումը Ղարաբաղն է: Եթէ սահմանը բաց ըլլար, Հայաստան իր առեւտուրին երեք չորրորդը Թուրքիոյ հետ պիտի իրականացնէր: Մարդիկ պիտի գային ու երթային: Յարաբերութիւնները պիտի զարգանային, եւ թերեւս այդպիսով Ղարաբաղի հարցն ալ կը լուծուէր: Երկու կողմերն ալ կրնային այդ յարաբերութիւնները զարգացնել, եւ խնդիրները պիտի լուծուէին»:
Asbarez.com
Leave a Reply