«Կրեդիտ Եվրոպա բանկ» թուրքական կապիտալով ամենախոշոր բանկը հանվել է վաճառքի՝ Մոսկվայի և Անկարայի միջև հարաբերությունների վատթարացման և Ռուսաստանի տնտեսական լճացման ֆոնին, գրում է Коммерсантъ-ը։
Լրատվամիջոցի տեղեկություններով՝ այդ օրինակին կարող են հետևել թուրքական կապիտալով նաև այլ ընկերություններ։
«Գնորդի որոնումը սկսվել է հունվարի կեսերին»,- ասել է բանկային շուկայի աղբյուրը: Մեկ այլ աղբյուր նշել է, որ որոնմամբ զբաղվում է դրա համար հատուկ ընտրված ներդրումային բանկը՝ Morgan Stanley-ն:
Հաղորդվում է, որ «Կրեդիտ Եվրոպա բանկը» Ռուսաստանում բիզնեսի ծավալով ամենախոշոր բանկն է թուրքական կապիտալով: Բանկի բաժնետոմսերի 99,9 տոկոսը պատկանում է Credit Europe Bank NV-ին (Հոլանդիա), որի վերջնական շահառուն Թուրքիայի քաղաքացի Հյուսնյու Մուստաֆա Օզյեղինն է: Բանկը Ռուսաստանում աշխատում է 1994 թվականից: Այդ ժամանակ նրան ենթակա FIBA միջազգային ֆինանսական խումբը Ռուսաստանում բացել է իր ներկայացուցչությունը՝ «Ֆինանսբանկ» անվանումով։
Անվանափոխվել է «Կրեդիտ Եվրոպա բանկի» 2007 թվականին:
http://www.tert.am/am/news/2016/02/09/bank/1925961
Leave a Reply