Թուրքերը իսլամիստների հետ միասին թալանել են Սիրիայի հայկական եկեղեցիները, վկայում են Քեսաբի բնակիչները

Սիրիական Քեսաբ քաղաքի բնակիչները պատմել են տեղական եկեղեցիներում թուրքերի կողմից իրականացրած վանդալիզմի մասին,- հաղորդում է Interfax Religion-ը:

Քեսաբի հայկական մշակութային կենտրոնները, որոնք հատկապես մեր եկեղեցիներն են, շատ են տուժել իսլամիստների և թուրքերի գործողություններից: Երբ քաղաքն ազատագրվելուց հետո եկա, տեսա երբեմնի ծաղկող եկեղեցու մերկ պատերը միայն»,- «Ռոսիյսկայա գազետա»–յին ասել է տեղական հայկական բողոքական եկեղեցու քահանա Ժիրայր Ղազարյանը:

Մեկ այլ քեսաբցի՝ Հակոբը, ասել է, որ գրոհայինները ապրել են իր տանը այդ օկուպացիայի ընթացքում: «Թուրքիան մեծ դեր է խաղացել մեր տառապանքների մեջ: Երբ «Ջաբհադ ան–Նուսրան» ներխուժեց Քեսաբ, Թուրքիայի հատուկ ստորաբաժանումների ամբողջ ջոկատներ սալաֆիների հետ միասին նույնպես ներխուժեցին քաղաք: Տեղի պահապանները բնակիչներին փրկել են մի նոր ցեղասպանությունից: Նրանք պայքար են սկսել հրոսակախմբերի դեմ, ինչն էլ տեղացիներին ժամանակ է տվել՝ լքելու քաղաքը: Սակայն, երբ թուրքերը գրավեցին քաղաքը, նրանք այստեղ բերեցին իրենց հարեւան գյուղերի բնակիչներին, ովքեր մեր ունեցած բոլոր թանկարժեք իրերը բեռնեցին տրակտորների, սայլակների վրա և պարզապես «քշեցին» Թուրքիա», – Armradio.am-ի փոխանցմամբ՝ ասել է նա:

Hayernaysor.am