Թուրք պատգամավորը բողոքել է, թե Դիարբեքիրի փողոցներին հայկական անուններ են դրվում

Թուրքիայի Ազգայնական շարժում կուսակցության պատգամավորներից, հայատյաց Յուսուֆ Հալաչօղլուն բողոքել է, թե Դիարբեքիրի նոր քաղաքապետ Գյուլթան Քըշանաքի օրոք Դիարբեքիրի փողոցներին ոչ թե քրդական, այլ հայկական անուններ են դրվում։

Թուրքական ազգայնամոլական «Յենի չաղ» պարբերականի փոխանցմամբ՝ Յուսուֆ Հալաչօղլուն պնդել է, թե շատ սխալ է եղել քաղաքների կառավարման մասին նոր օրենքը, որը մեծ լիազորություններ է տալիս տեղական ինքնակառավարման մարմիններին։ Հալաչօղլուն նեղսրտել է, թե Դիարբեքիրի նոր կին քաղաքապետ Գյուլթան Քըշանաքը քաղաքի փողոցներին ու պողոտաներին ոչ թե քրդական, այլ հայկական անուններ է տալիս։

Նշենք, որ Յուսուֆ Հալաչօղլուն Թուրքական պատմագիտական ընկերության նախկին նախագահն էր, ով հայտնի էր պատմական փաստերի խեղաթյուրումներով։

http://news.am/arm/news/309371.html