ՄԱԿ-ում Թուրքիայից պահանջում են հետաքննել երկրի հարավ-արեւելքում անզեն մարդկանց գնդակահարությունը

ՄԱԿ-ի մարդու իրավունքների հարցերով գերագույն հանձնակատար Զեյդ Ռաադ ալ-Հուսեյնը Թուրքիայից պահանջել է հետաքննել անզեն մարդկանց գնդակահարության միջադեպը, որը ենթադրաբար տեղի է ունեցել մոտ տասն օր առաջ, երկրի հարավ-արեւելքում, տեղեկացնում է ՏԱՍՍ-ը` վկայակոչելով  Reuters-ը:

Նախանցյալ շաբաթ համացանցում մի քանի կարճ տեսանյութեն են հայտնվել, որոնցում պատկերված է թուրք զինվորականների կողմից Շըրնաքի նահանգի Ջիզրե քաղաքում քրդերի սգո թափորի գնդակոծությունը: Մի վարկածի համաձայն` սգո թափորում կարող էին լինել Թուրքիայի կողմից օրենքից դուրս հայտարարված զինված խմբավորումների գրոհայիններ: Այնուամենայնիվ, տեսանյութում թափորի բոլոր մասնակիցներն անզեն են: «Երբ մարդիկ անցան մյուս կողմը (փողոցի), կրակահերթերի տակ ընկան», – պարզաբանել է ՄԱԿ-ի գերագույն հանձնակատարը: Նա նաեւ մտահոգություն է հայտնել, որ տեսանյութի հեղինակը, որը վերոհիշյալ կադրերը տեղադրել էր համացանցում, կարող է ձերբակալվել  «լրատվամիջոցների նկատմամբ իշխանությունների դաժան քաղաքականության հետեւանքով»:

http://news.am/arm/news/309209.html