Լևոն Էքմեքչյանի հիշատակին

Ալի Էրթեմ
Ցեղասպանության ընդդիմադիրների միության նախագահ

Կարելի է ասել, որ ըստ էության Թուրքիայի ձախերի մեջ ցեղապաշտական միտումներն ամենաբացահայտ կերպով ի հայտ են գալիս ԱՍԱԼԱ-ի դեմ հանդես գալու ժամանակ: Ցեղասպանության զոհ ժողովուրդներից իրենց շատ հեռու պահող բոլոր ձախակողմյան ֆրակցիաները գրեթե նույն լեզվով արտահայտվեցին Լևոն Էքմեքչյանին մահապատժի դատապարտած խունտայի և վերջինիս ղեկավար Քենան Էվրենի հետ և միևնույն տեսակետով դատեցին ԱՍԱԼԱ-ին:

Ցեղասպանության ընդդիմադիրների միությունը որդեգրեց այդ շովինիստական մտայնությամբ հանդես եկողներից զատվելու ուղեգիծ: Հանուն հայ ժողովրդի արդար դատի իրենց կյանքը զոհաբերած, միջազգային հանրությանը խորապես ցնցած և մեր նմանների համար ճշմարտությունը տեսնելու առիթ ստեղծած հայ հեղափոխականների հիշատակի առջև հարգանքով խոնարհվելը այն բոլոր մարդկանց խղճի պարտքն է, որոնց պապերը մասնակից են եղել Ցեղասպանության հանցագործությանը:

Թուրքիայի Հանրապետությունը ձգտել է ԱՍԱԼԱ-ի` թուրք դիվանագետների և պետական գործիչների դեմ ձեռնարկած հարձակումներն օգտագործել հասարակության մեջ մինչև վերջ հայերի դեմ թշնամություն տարածելու համար և շարունակում է օգտագործել: Մինչդեռ հիմնադրման օրից ի վեր Ցեղասպանության նախադեպն ունեցած պետությունը, իր գործիքները գործի դնելու նպատակով ագրեսիվ ժխտողական քաղաքականությունը պահպանող և շարունակաբար մարդկայնության դեմ նոր հանցագործություններ կատարող մտայնությունը նաև դիվանագետների մահվան իրական պատասխանատուներն են:

Մեր հասարակության հեղափոխական զարգացումներն անգամ դեռ չեն կարողանում վճռականորեն հաղթահարել ցեղասպանական ժխտողականության` պատմության մասին սուտ քարոզչությանը: Այն, որ «Սեպտեմբերի 12-ի ամոթալի թանգարանի» նախաձեռնողները Լևոն Էքմեքչյանին հանել են խունտայի ժամանակաշրջանում մահապատժի դատապարտված մարդկանց ցանկից, այդ դիրքորոշման ամենաակնառու օրինակն է, որը պետք է ընկալել նաև որպես ձախակողմյանների շրջանում Ցեղասպանության ժխտում:

Ինչպես հայտնի է, հեղափոխականների գերության ավանդույթներում ընդունված է մահապատժի ենթարկված ամեն մի հեռափոխականի հետևից նրա հիշատակին մի արարողություն կազմակերպել` անկախ նրանից, թե որ ֆրակցիայում է նա ընդգրկված եղել:

Թեև Լևոն Էքմեքչյանը մահապատժի է ենթարկվել Ցեղասպանության նախադեպերն ունեցած մի պետության դահիճների կողմից, սակայն նա միակ հեղափոխականն է, որի հիշատակին  հարգանքի տուրքի ոչ մի արարողություն չի կազմակերպվել: Ձախակողմյանները Լևոն Էքմեքչյանին որակել են ըստ խունտայի զրպարտանքների: Ձախերը, առանց կասկածի տակ վերցնելու, ընդունել են խունտայի ապացույցն ու «խոստովանությունները» և Լևոն Էքմեքչյանին դատապարտել են մի «խոստովանողի» կանխակալ կարծիքով: Անկասկած, այդ կեցվածքը Ցեղասպանության զոհ հայ ժողովրդի համար, որի երկիրը, պատիվը, մի խոսքով` ամենասուրբ արժեքները ոտնակոխ են արվել, մեծ վիրավորանք է` հանուն ԱՐԴԱՐՈՒԹՅԱՆ իրեն զոհաբերած մի հայ հեղափոխականի հիշատակին: Կարծես թե բավարար չէին նրա մահից հետո որպես քննադատություն հնչած անհեթեթ բամբասանքները, այդ դեպքից անցած տասնյակ տարիներ հետո անգամ նրա անունը մահապատժի ենթարկվածների ցանկում չընդգրկելը նշանակում է, որ ձախերը ժխտում են Ցեղասպանությունը, և այս դեպքը իսկական ամոթ է ձախակողմյանների համար:

Թարգմանեց Մելինե Անումյանը
Akunq.net