Թուրքիայի նախագահ Ահմեդ Դավութօղլուն հայտարարել է, որ ՌԴ ռազմատիեզերական ուժերին պատկանող Սու-34 ինքնաթիռի կողմից Թուրքիայի օդային տարածքի խախտումը կարճատև է եղել:
Այս մասին տեղեկացնում է РИА Новости-ն` մեջբերելով Թուրքիայի ԱԳՆ-ի նախկին հայտարարությունը, որի համաձայն` ՌԴ Սու-34 ռազմական ինքնաթիռը ուրբաթ խախտել էր Թուրքիայի օդային սահմանը:
ՌԴ ՊՆ ներկայացուցիչ, գեներալ-մայոր Իգոր Կոնաշենկովն, իր հերթին, հայտարարել է, որ Թուրքիայի սահմանը Սիրիայում գտնվող ռուսական ավիացիային պատկանող որևէ ինքնաթիռ չի հատել, իսկ թուրքական կողմի հայտարարությունը «անհիմն քարոզչություն» է:
Դավութօղլուի խոսքով` ռուսական Սու-34 օդանավի խախտումը շատ կարճատև է եղել, այն գրանցվել է Թուրքիայի և ՆԱՏՕ-ի ռադարների կողմից:
Հիշեցնենք, որ այսօր ավելի վաղ Պենտագոնը հայտարարություն էր արել` սատարելով թուրքական կողմին և նշելով, որ ռուսական ինքնաթիռը խախտել է երկրի օդային տարածքը:
http://www.tert.am/am/news/2016/01/31/davutoghlu/1917247
Leave a Reply