Էրդողանի ու Դավութօղլուի միջեւ հակասություններ են սկսվել. Ֆուաթ Ավնի

Թուրքիայում սկանդալային բացահայտումներով հայտնի թվիթերյան ֆենոմեն, Ֆուաթ Ավնի ծածկանունով օգտատերը նոր պնդումներ է արել Էրդողանի ու Դավութօղլուի հետ կապված։

Twitter-ի իր էջում Ֆուաթ Ավնին գրել է, թե Թուրքիայի նախագահ Ռեջեփ Թայիփ Էրդողանի ու վարչապետ Ահմեդ Դավութօղլուի միջեւ լուրջ խնդիրներ են առաջացել Էրդողանի` նախագահական համակարգի անցնելու մտադրության պատճառով։

Նա գրել է, թե նախագահական պալատի աշխատակազմն ու վարչապետի աշխատակազմը երկու թշնամական կողմերի են բաժանվել, ինչը սկսել է անհանգստացնել Էրդողանին։

«Էրդողանը կարծում է, որ նախագահական համակարգի դեմ գլխավոր խոչընդոտը Դավութօղլուն է։ Իր հերթին Դավութօղլուն զգուշանում է Էրդողանից՝ հասկանալով, որ նա դավաճանեց իր շրջապատից շատերին ու ինքն էլ ապահովագրված չէ այդ իրավիճակում հայտնվելուց։ Էրդողանը հրահանգել է հետեւել Դավութօղլուի քայլերին, իսկ Դավութօղլուն էլ իր հերթին հրահանգել է Էրդողանի քայլերին»,-գրել է Ֆուաթ Ավնին։

http://news.am/arm/news/308618.html