Թուրքիայի իշխանությունները հետապնդում են ԶԼՄ-ներին և ընդդիմությանը. իրավապաշտպաններ

Թուրքիայի իշխանությունները սահմանափակում են խոսքի ազատությունը երկրում, հետապնդումների են ենթարկում ընդդիմադիրներին։ Այդ մասին ասվում է Human Rights Watch միջազգային իրավապաշտպան կազմակերպության՝ չորեքշաբթի հրապարակած զեկույցում, գրում է ՏԱՍՍ գործակալությունը:

«Թուրքիայում մարդու իրավունքների հետ կապված վիճակը 2015-ին վատացել է քրդական խնդրի խաղաղ կարգավորման խափանման, երկրի հարավ-արևելյան մասում բռնությունների կտրուկ աճի, ինչպես նաև ԶԼՄ-ների և քաղաքական ընդդիմադիրների հանդեպ ճնշումների պատճառով»,- ասվում է փաստաթղթում:

Կազմակերպությունում նշում են, որ կառավարությունը սահմանափակել է մամուլի ազատությունը և կամարտահայտումը, բացի այդ՝ եղել են քաղաքական ընդդիմությանը վարկաբեկելու փորձեր:

Նշվում է նաև, որ իշխանությունները հաճախ արգելում են հրապարակային հավաքները, կոշտ մեթոդներով ցրում են խաղաղ ցուցարարներին:

Իրավապաշտպանները հայտնել են, որ Թուրքիայի դատական համակարգն ունի «դեռ հնուց եկած թերություններ»։

http://www.tert.am/am/news/2016/01/28/turk/1913870