Հայրենակցական միություններն ընտրել են իրենց ղեկավարներին

Արթո Թեզել

Հայկական համայնքի սոցիալական կյանքում վերջին տարիներին նոր աշխուժություն մտցրած հայրենակցական միություններից երեքն ընտրել են իրենց ղեկավարներին:
Նախ ղեկավարությանն ընտրել է Դերսիմի հայերի միությունը, ապա` Սասունի-Բիթլիսի հայերի միությունն ու Սվասցի հայերի և նրանց ընկերների միությունը:

Դերսիմի հայերի միությունը
Ընտրության ոգևորությունը մեկնարկեց հունվարի 10-ին` կիրակի օրը, Գում Գափու թաղամասի մոտակայքում գտնվող Սուրբ Հարություն եկեղեցում, որտեղ Դերսիմի հայերի միությունն ընտրեց երկրորդ հերթական ընդհանուր խորհուրդը: Ընդհանուր խորհրդում միության նախագահ Ջեմ Հալավուրթը մասնավորապես ներկայացրեց իրենց միության գործունեությունը, որի նպատակն է մեկտեղել Ստամբուլում ապրող դերսիմցիներին և ապահովել նրանց միացումը հայկական համայնքին: Ընդհանուր խորհրդում, որում քննարկվեցին նաև միության ապագա ծրագրերը, ներկայացվեց ֆինանսական զեկույցը: Ավելի ուշ կատարված ընտրության ժամանակ միաձայն որոշվեց նոր ղեկավար խորհրդի կազմը, որը բաղկացած է հետևյալ անձանցից` Իսմայիլ Ջեմ Հալավուրթ (նախագահ), Բյուլենթ Բոզդաղ (քարտուղար), Գառնիկ Օլգար (Սայման), Բիրգյուլ Գյոքթաշ, Էրքան Չալգան, Սայաթ Թեքիր և Միհրան Փրկիչ Գյուլթեքին: Իսկ պահեստային անդամների ցանկում ընդգրկված են Թայլան Շանթ Դեմիրչիվին, Հյուսեին Քարադաշը, Կարպիս Օլգարը, Սելիմ Սինան Դևլեթլին, Մուրաթ Իրեսը, Քայրա Գյոքթաշը և Գյոքհան Բոզթաշը:

Սասունի-Բիթլիսի հայերի միությունը
Ամենամեծ ընդհանուր խորհուրդներից մեկն ունեցող Սասունի-Բիթլիսի հայերի միությունը ևս նոր ղեկավար խորհուրդ ընտրեց հունվարի 10-ին կազմակերպված երկրորդ հերթական ընդհանուր խորհուրդը: Միության` Բաքըրքյոյ թաղամասում գտնվող նոր գրասենյակում կատարված ընտրության արդյունքում Ալեն Բաղի ղեկավարության տակ ընտրվեցին հետևյալ անդամները` Սեդրակ Թաշ, Մուրաթ Իչ, Էնգին Օջալ, Էլիս Ուլյութաշ, Յուսուֆ Թոփարլաք, Զեքի Քափ, Շահին Էրոլ, Լևենթ Բալջը, Գյուլնազ Ուլյութաշ, Նատալի Ավջը և Դիանդրա Արսլան: Ղեկավար խորհրդի առաջին ժողովում որոշվելու են նաև, թե ով ինչ պաշտոն է ստանձնելու:

Սվասցի հայերի և նրանց ընկերների միությունը
Սվասցի հայերի և նրանց ընկերների միությունը ևս ապրեց կոնգրես գումարելու ոգևորությունը: Հունվարի 17-ին` կիրակի օրը, տեղի ունեցած ժողովը տեղի ունեցավ միության` Ֆերիքյոյում գտնվող գրասենյակում: Նախագահ ընտրվեց Սեպուհ Քոչաքը, որ մինչ այդ էլ երեք տարի գտնվել է այդ պաշտոնում: Ընտրությանը մասնակցեցին միության 290 անդամներից 62-ը: Նախկին ղեկավար խորհրդից մի քանիսը չընդգրկվեցին նոր ղեկավարության կազմում, որը բաղկացած է հետևյալ անձանցից` Սեպուհ Քոչաք (նախագահ), Եվա Գյուլյուդերե, Շահին Արսլան, Մուրաթ Գյոնքեսեր, Տիգրան Թոգաչ, Արամ Ջանջիկ և Շուշանիկ Յենիջե:

Լուսանկարը` Կարին Բալի
http://www.agos.com.tr/tr/yazi/14130/hemseri-dernekleri-yonetimlerini-secti
Թարգմանեց Մելինե Անումյանը
Akunq.net