Հեղինակավոր մտավորականը Թուրքիայի նախագահին «մարդասպան» է անվանել

Հրեա հանրահայտ գիտնական Նոամ Խոմսկին Թուրքիայի նախագահ Էրդողանին քննադատել և «մարդասպան» է անվանել, հայտնում է Press TV-ն:

Խոմսկին այդպես է արտահայտվել Al Jazeera-ին տված հարցազրույցում՝ արձագանքելով իր և այլ գիտնականների հասցեին Էրդողանի քննադատությանը:

Խոմսկին և մի շարք հեղինակավոր գիտնականներ վերջին շրջանում քննադատության էին ենթարկել Թուրքիայի իշխանություններին՝ գիտնականների հանդեպ ճնշումների համար, ինչին ի պատասխան քննադատության էին արժանացել Թուրքիայի նախագահից՝ քրդերին սատարող իրենց դիրքորոշման համար:

Խոմսկին նաև «ահաբեկչական» է անվանել Էրդողանի կառավարության քաղաքականությունը քրդերի նկատմամբ:

http://www.tert.am/am/news/2016/01/24/Chomskiy-erdogan/1909720