Ալիևն ու Դավութօղլուն քննարկել են ԼՂ խնդիրը

Ադրբեջանի նախագահ Իլհամ Ալիևը երեկ Դավոսում հանդիպել է Թուրքիայի վարչապետ Ահմեթ Դավութօղլուի հետ։

Ինչպես տեղեկացնում է ԱՊԱ գործակալությունը, հանդիպման ընթացքում կողմերը գոհունակություն են հայտնել բոլոր ոլորտներում երկու երկրների «եղբայրական և բարեկամական հարաբերությունների բարձր մակարդակի առնչությամբ»։ Ընդգծվել է միջազգային մակարդակի միջոցառումներին Ադրբեջանի և Թուրքիայի համատեղ մասնակցության կարևորությունը։

Ընդգծվել է բարձր մակարդակով պարբերական հանդիպումների կարևորությունը՝ համագործակցության ընդլայնման տեսանկյունից։

Զրույցի ընթացքում կողմերը կարծիքներ են փոխանակել Լեռնային Ղարաբաղի հակամարտության, տնտեսական համագործակցության ընդլայնման և փոխադարձ հետաքրքրություն առաջացնող այլ հարցերի առնչությամբ։

http://www.tert.am/am/news/2016/01/21/aliyev-davutoglu/1905982