Թուրքական Hurriyet Daily News-ը արձանագրել է, որ Ստամբուլում հազարավոր մարդիկ ոգեկոչել են սպանված լրագրող Հրանտ Դինքի մահվան իններորդ տարելիցը:
Միաժամանակ աղբյուրը նշում է, որ այս ինը տարիների ընթացքում ոչ մի հստակ իրավական քայլ չի ձեռնարկվել հայազգի անվանի լրագրողի սպանության բացահայտման գործում:
Իսկ Ստամբուլում Դինքին հիշել են երթով, որն սկսվել է Շիշլիի ռազմական թանգարանի մոտ և շարունակվել դեպի «Ակօս» թերթի խմբագրություն, որի գլխավոր խմբագիրն էր Դինքը և որի մուտքի մոտ էլ օրը ցերեկով սպանվել էր Օգյուն Սամասթի ձեռքով:
Նշվում է, որ Դինքին հիշողների երթն ուղեկցվել է ջրցան մեքենաներով և զրահամեքենաներով, ոստիկանության կողմից անվտանգության խիստ միջոցառումների պայմաններում:
http://www.tert.am/am/news/2016/01/19/Dink-istanbul/1904144
Leave a Reply