Ստամբուլում հազարավորները սգում են Հրանտ Դինքի մահը

Հրանտ Դինքի սպանությունից 9 տարի անց նրա հիշատակը վառ պահելու համար այսօր՝ հունվարի 19-ին, հազարավոր քաղաքացիներ հավաքվել են Ստամբուլի Շիշլի թաղամասում գտնվող «Ակօս» պարբերականի նախկին խմբագրության առջեւ։

Ինչպես տեղեկացնում է Ստամբուլի հայկական «Ակօս»-ը, հավաքվածների մեջ են հայտնի գործիչներ, պատգամավորներ, արվեստագետներ ու բազմաթիվ քաղաքացիներ։

Շենքի վրա փակցվել է «Ախպարի՛կ, կարոտով, զայրույթով համառորեն այստեղ ենք» գրությամբ ցուցանակը։

Ոստիկանությունը հսկողության կետեր է սահմանել Ռամադա հյուրանոցի եւ Մադո սրճարանի դիմաց։

Դինքի հիշատակին նվիրված միջոցառումներ անցկացվում են Թուրքիայի մի քանի քաղաքներում։

http://news.am/arm/news/307088.html