Դիարբեքիրի Սուրում մահացել է ամենահայտնի տարեց հայը

Թուրքիայի Դիարբեքիրի Սուրբ Աստվածածին եկեղեցու բակում բնակվող 86-ամյա Սարգիս Էքենը մահացել է հիվանդանոցում։

Ինչպես տեղեկացնում է Ստամբուլի հայկական «Ակօս»-ը, Դիարբեքիրի հիվանդանոցներից մեկում մահացել է դիարբեքիրցիների կողմից սիրված Սարգիս Էքենը։

Սարգիս Էքենը ապրում էր Դիարբեքիրի Սուրի շրջանի Սուրբ Աստվածածին եկեղեցու բակում։ Օրեր առաջ Սարգիս Էքենի ինքնազգացողությունը վատացել էր, եւ քանի որ Սուրի շրջանում փողոց դուրս գալու արգելք է ու բախումներ են, նրան հազիվ են տեղափոխել հիվանդանոց։

Նշենք, որ Սարգիս Էքենը եւ Բայզո Ալաթանը 2014 թվականին, ամուսնությունից 60 տարի անց, Դիարբեքիրի հայկական Սուրբ Կիրակոս եկեղեցում իրականացրել էին իրենց պսակադրությունը եկեղեցական կարգով։ Նրանց պսակադրությունը կազմակերպել էր Դիարբեքիրի քաղաքապետ Գյուլթան Քըշանաքը։ Պսակադրությունից 2 ամիս անց մահացել էր Սարգիս Էքենի կինը։

http://news.am/arm/news/306864.html