Մինչև չլուծվի ԼՂ խնդիրը, Հայաստանի ու Թուրքիայի հարաբերությունները չեն կարգավորվի. Մևլութ Չավուշօղլու

Մինչև չլուծվի Լեռնային Ղարաբաղի հիմնահարցը, Հայաստանի և Թուրքիայի հարաբերությունները չեն կարգավորվի։ Այդ մասին Թուրքիայում անցկացված միջազգային համաժողովի ժամանակ հայտարարել է երկրի արտաքին գործերի նախարար Մևլութ Չավուշօղլուն, փոխանցում է Haberler.com-ը։

Պատասխանելով հարևան երկրների հետ հարաբերությունների մասին հարցին` նախարարը կրկնել է, թե Հայաստանն «օկուպացրել» է Ադրբեջանի տարածքի 20%-ը։

«Առանց այդ խնդրի լուծման` հայ-թուրքական հարաբերությունների կարգավորման մասին խոսք անգամ լինել չի կարող։ Ադրբեջանի խնդիրն անմիջականորեն Թուրքիայի խնդիրն է»,- նշել է Չավուշօղլուն։

Հիշեցնենք, որ սա առաջին անգամը չէ, երբ թուրք պաշտոնյաները Հայաստանի ու Թուրքիայի հարաբերությունների կարգավորումը կապում են ԼՂ հիմնախնդրի լուծման հետ։

http://www.tert.am/am/news/2016/01/16/armenia-turkey/1900668