Թուրքիայում ոստիկանական բաժանմունքի մոտ պայթյուն է տեղի ունեցել. կան զոհեր

Թուրքիայի հարավ արևելքում՝ Դիարբեքիր շրջանում, ոստիկանական բաժանմունքի մոտ պայթել է պայթուցիկով լի ավտոմեքենա, հաղորդում է Korrespondent.net-ը:

Ահաբեկչության հետևանքով զոհվել է հինգ մարդ, ևս 39-ը վիրավորվել են:

Ավելի վաղ հաղորդվում էր երկու զոհի՝ մի կնոջ և երեխայի, և 22 վիրավորի մասին:

Թուրքական ԶԼՄ-ների տվյալներով՝ պայթուցիկը պայթել է ոստիկանության շենքի մուտքի մոտ:

Դեռ ոչ մի խմբավորում չի ստանձնել պայթյունի պատասխանատվությունը։

http://www.tert.am/am/news/2016/01/14/turkey/1898008