Ստամբուլի Սուլթանահմեթ հրապարակում տեղի ունեցած պայթյունից հետո թուրքական լրատվամիջոցների ուշադրության կենտրոնում է հայտնվել գերմանական «Frankfurter Rundschau» թերթում 4 օր առաջ հրապարակված հոդվածը, որում նշվել էր, թե շուտով Թուրքիայի խոշոր քաղաքներում պայթյուններ կորոտան:
«Թուրքիայի խոշոր քաղաքներում պայթյունների որոտալը ժամանակի հարց է» վերնագրով այդ հոդվածում անդրադարձ էր եղել երկրի հարավ-արևելյան շրջաններում ուժայինների կողմից Քուրդիստանի բանվորական կուսակցության (PKK-ՔԲԿ) դեմ իրականացվող գործողություններին:
Գերմանական թերթի հոդվածում նախագահ Էրդողանը ներկայացվել է Թուրքիայի հարավ-արևելյան շրջաններում լարվածության աճի գլխավոր մեղավոր:
Հոդվածում մասնավորապես ասվում է. «Անցած ամռանը Էրդողանը վերջ դրեց PKK-ի հետ անձամբ իր նախաձեռնած հաշտեցման գործընթացին: Իսլամիստ-պահպանողական ԱԶԿ-ական (Արդարություն և զարգացում կուսակցություն) կառավարությունը հայտարարել է, որ ուժայինների գործողությունները կավարտվեն միայն այն ժամանակ, երբ բոլոր ահաբեկիչները կսպանվեն կամ կձերբակալվեն: Իսկ PKK-ն սպառնում է հարձակումներ իրականացնել: Երևում է, որ Թուրքիայի խոշոր քաղաքներում պայթյունների կազմակերպումը ժամանակի հարց է»:
Ermenihaber.am
Leave a Reply