Թուրքիայում փողոց դուրս գալու արգելքների հարցը տեղափոխվել է ՄԻԵԴ

Թուրքիայի քրդական Ժողովուրդների դեմոկրատական (HDP) կուսակցությունը թուրքական իշխանությունների կողմից քրդաբնակ շրջաններում իրականացվող փողոց դուրս գալու արգելքների հարցը տեղափոխել է Մարդու իրավունքների եվրոպական դատարան։

Թուրքական Aktifhaber կայքի փոխանցմամբ՝ HDP-ի փոխնախագահ Մերալ Դանըշը Թուրքիայի Սահմանադրական դատարանի կողմից մերժում ստանալուց հետո փողոց դուրս գալու արգելքի հարցը տեղափոխել է ՄԻԵԴ։ HDP-ի հայցում նշվել է, որ իշխանությունները փողոց դուրս գալու արգելք սահմանելով՝ խախտում են բազմաթիվ քաղաքացիների իրավունքներ, որի համար իշխանությունները պետք է փոխհատուցում վճարեն բոլոր տուժողներին։

Նշենք, որ Թուրքիայի քրդաբնակ շրջաններում հունիսի 7-ի ընտրություններից հետո փողոց դուրս գալու արգելքներ են հայտարարում, որի ընթացքում զինվորականներն ու ոստիկանները կրակում են փողոցում գտնվող ցանկացած կետի վրա։ Այս մի քանի ամսվա ընթացքում տարբեր տվյալներով 300 անմեղ քաղաքացի է սպանվել փողոց դուրս գալու արգելքների ժամանակ։

http://news.am/arm/news/304628.html