Ժողովուրդների դեմոկրատական կուսակցության (Halkların Demokratik Partisi / HDP/) հիմնադիրներից Քադիր Աքընը, Իզմիթ քաղաքում կազմակերպված մի քննարկման ժամանակ դրական արտահայտվելով Դաշնակցություն կուսակցության վերաբերյալ, հայտարարել է. «Դաշնակցություն կուսակցության ծրագիրը նույնն է, ինչ` Ժողովորուրդների դեմոկրատական կուսակցությանը»:
Այդ մասին հաղորդում է Akunq.net-ը` հիմնվելով թուրքական «Այդընլըք» պարբերականի տեղեկատվության վրա:
Քադիր Աքընը քննարկման շրջանակներում նաև նշել է. «Օսմանյան ժամանակաշրջանում սպանվել և ցեղասպանության են ենթարկվել ոչ միայն հայերը, այլ նաև` հույները: Միություն և առաջադիմություն կուսակցության իշխանության տարիներին հույների հանդեպ տարվել է ոչնչացման քաղաքականություն: Նրանց աքսորել են իրենց հողերից: Հետագայում այդ քաղաքականության ավելի մեծ տարբերակը փորձարկվել է հայերի նկատմամբ: Ներկայում Ջիզրեում, Սիլոփիում և Սուրում կրկնվում է այն, ինչ անցյալում արվել է հայերի և հույների հանդեպ: Թայիփ Էրդողանը` քեմալիստական մտայնությամբ, պայմանավորվել է ցեղասպանություն իրագործելու հարցում»:
Akunq.net
Leave a Reply