Թուրքիայում խիզախ քուրդ քաղաքապետին դատապարտել են ազատազրկման

Թուրքիայի Աղրըի (Արարատ-Ակունքի խմբ.) քուրդ քաղաքապետ Սըրրը Սաքըքին դատարանը դատապարտել է 1 տարի 8 ամսվա ազատազրկման՝ զենքով քաղաքացուն սպառնալու մեղադրանքով։

Թուրքական BirGün-ի փոխանցմամբ՝ դատարանում քուրդ քաղաքապետի փաստաբանն իր ելույթում շեշտել է, թե բացի բողոքողի հայտարարությունից` իր պաշտպանյալի դեմ որեւէ ապացույց չկա, որ նա զենքով սպառնացել է։

Սակայն դատարանը որոշում է կայացրել, որ Սըրրը Սաքըքը մեղավոր է, եւ դատապարտել 1 տարի 8 ամսվա ազատազրկման։ Դատարանը նաեւ որոշել է հետաձգել պատժի կիրառումը եւ 5 տարի իրավապահների հսկողությանը հանձնել քաղաքապետին։

http://news.am/arm/news/304293.html