Քրդական խմբավորումը Թուրքիային սպառնացել է նոր ահաբեկչություններով

«Քուրդիստանի ազատագրման բազեները» հայտարարություն է հրապարակել, որում Թուրքիային սպառնացել է նոր ահաբեկչություններով, գրում է Gazeta.ru-ն:

Նշվում է, որ Թուրքիայի անվտանգության ծառայությունները հատուկ գործողություն են իրականացրել գրոհայինների ոչնչացման համար: Գործողությունն իրականացվում է հիմնականում քրդական շրջաններում: Գործողության ընթացքում ոչնչացվել է ավելի քան 180 ապստամբ:

Ավելի վաղ հաղորդվել է, որ «Քուրդիստանի ազատագրման բազեները» ահաբեկչական խմբավորումը ստանձնել էր Ստամբուլի օդանավակայանում պայթյունի պատասխանատվությունը:

Հիշեցնենք, որ Սաբիհա Գյոքչենի անվան Ստամբուլի օդանավակայանում ինքնաթիռների համար կայանում դեկտեմբերի 23-ին պայթյուն էր տեղի ունեցել, ինչի հետևանքով մեկ կին էր զոհվել, ինչպես նաև վիրավորվել էր օդանավակայանի երկու աշխատակից: Պայթյունի պահին շրջակայքում ուղևորներ չեն եղել: Պայթյունի հետևանքով նաև հինգ ինքնաթիռ է վնասվել:

http://www.tert.am/am/news/2015/12/27/kurds/1885454