Թուրքիայում այս տարի լույս է տեսել Ավստրիայում բնակվող թուրք մտավորական Գյունգյոր Շենքալի «Արևելյան և Հարավարևելյան Անատոլիայի լեզուների համեմատական բառարան» գիրքը: Այդ մասին փոխանցում է Akunq.net-ը:
Ըստ աղբյուրի` գրքում հեղինակը հետևյալ կերպ է մեկնաբանում նման աշխատության անհրաժեշտությունը. «Արդեն իսկ պաշտոնական լեզու եղող թուրքերենը պարտադրվել է նաև պետության ճնշմամբ: Այդ պայմաններում այս տարածաշրջանի մյուս լեզուները չեն կարողացել շարունակել իրենց բնականանոն զարգացումը: Որոշ լեզուների ուսումնասիրությունները, թուրքերենի համեմատ, խիստ ուշ են կարողացել սկսվել: Սեփական լեզվագիտական ընկերակցությունները չունեցած այդ լեզուներից մի քանիսը նաև խնդիր են ունեցել` գրավոր լեզու ստեղծելու հարցում: Քանի որ տվյալ տարածաշրջանում խոսվող թուրքերենից բացի` այդ լեզուների վերաբերյալ ստուգաբանական ուսումնասիրություններ չեն կատարվել, հնարավոր չի եղել բավարար չափով տեղեկություններ ձեռք բերել այդ լեզուների բառերի արմատների մասին»:
Հենց այս բացը լրացնելուն է ուղղված սույն աշխատությունը, որում ներկայացված լեզուների շարքում տեղ է գտել նաև հայերենը: Ի դեպ, հեղինակն իր ուսումնասիրությունը նվիրել է Հրանտ Դինքի հիշատակին, քանի որ Դինքը նրան աջակցել է հայերեն բառարաններ գտնելու հարցում:
Akunq.net
Leave a Reply