Թուրքիայի վարչապետ Ահմեդ Դավութօղլուն «խայտառակություն» և «դավաճանություն» է որակել ընդդիմադիր քրդամետ կուսակցության առաջնորդ Սելահաթթին Դեմիրթաշի՝ ՌԴ կատարած այցի ժամանակ արված հայտարարությունները: Այս մասին, ըստ Panorama.am-ի, հաղորդում է BBC-ն:
Նշենք, որ նախօրեին Դեմիրթաշը ՌԴ արտաքին գործերի նախարար Սերգեյ Լավրովի հետ Մոսկվայում կայացած հանդիպման ժամանակ բացասական վերաբերմունք է արտահայտել ռուսական օդուժի Սու-24 ռմբակոծիչի խոցելու վերաբերյալ Անկարայի հրամանին:
«Այն, ինչ կատարվեց Սու-24-ի հետ, թուրք ժողովրդի մեղքը չ է: Դա երկրի ղեկավարության կողմից ընդունված որոշում է»,- հայտարարել է Դեմիրթաշը:
Լավրովի և Դեմիրթաշի հանդիպման ժամանակ քննարկվել է Թուրքիայի ընդդիմության «ԻՊ»-ի դեմ Սիրիայի և Իրաքի տարածքում կռվող էթնիկ քրդերի հետ Ռուսաստանի համագործակցության վերաբերյալ հարցերը:
Նշենք, որ թուրքական ընդդիմադիր կուսակցության` Մոսկվա կատարած այցը խիստ բացասական արձագանք է գտել Անկարայում:
«Ինչո՞ւ են նրանք մեկնում այս ժամանակ»,-իր վրդովմունքն է արտահայտել Ահմեդ Դավութօղլուն՝ իմանալով ՌԴ ղեկավարության հետ Դեմիրթաշի հանդիպելու պատրաստակամության մասին:
Hayernaysor.am
Leave a Reply