Ալիևը Թուրքիայի խորհրդարանի նախագահի հետ քննարկել է ԼՂ հակամարտության հարցը, Թուրքիայի ռազմական օգնության հնարավորությունը

Վրացական Кавказ Online-ը հայտնում է, որ դեկտեմբերի 22-ին կայացել է Ադրբեջանի նախագահ Իլհամ Ալիևի և Թուրքիայի խորհրդարանի նախագահ Իսմայիլ Քահրամանի հանդիպումը:

Ադրբեջանական ԶԼՄ-ների փոխանցմամբ՝ կողմերն արձանագրել են տարբեր ոլորտներում երկկողմ համագործակցության հաջող զարգացում, նշել, թե թուրք-ադրբեջանական համագործակցությունը տարածաշրջանում կայունության կարևոր գործոն է:

Կողմերը նաև կարծիքներ են փոխանակել Լեռնային Ղարաբաղի հակամարտության թեմայով: Հանդիպումից մանրամասներ հայտնի չեն, սակայն աղբյուրը գտնում է, որ քննարկվել է Թուրքիայի կողմից Ադրբեջանին ռազմական օգնության հարցը:

http://www.tert.am/am/news/2015/12/22/Az-tr/1881817