Թուրքիայի նախագահը կրկին խոստացել է հրաժարական տալ

Թուրքիայի նախագահ Ռեջեփ Թայիփ Էրդողանը հերթական անգամ պնդել է, թե հրաժարական կտա, եթե ապացուցվի Թուրքիայի կողմից «Իսլամական պետությունից» նավթի գնումը:

ՏԱՍՍ-ը հայտնում է` Էրդողանը բաց տեքստով ասել է. «Ես չեմ մնա այս նախագահի պաշտոնին: Ես կհեռանամ»:

Էրդողանն այս մասին խոսել է Բուրսա քաղաքում ձեռնարկատերերի հետ հանդիպման ժամանակ՝ նշելով, թե «հայտնի են այն վայրերը, որտեղից Թուրքիան նավթ է գնում»՝ Ռուսաստան, Իրան, Ադրբեջան, Հյուսիսային Իրաք:

Դեկտեմբերի սկզբին Ռուսաստանը ԻՊ-ից Թուրքիայի նավթ գնելու մասին «ապացույցներ» էր ներկայացրել, ինչից հետո Էրդողանը ասել էր, թե կհեռանա իր պաշտոնից, եթե այդ տեղեկությունները հաստատվեն:

http://www.tert.am/am/news/2015/12/21/trisis/1880888