Դինքի ընտանիքի փաստաբանը գոհ է պաշտոնյաների դեմ ներկայացված մեղադրական զեկույցից

Մեր պահանջների մեծ մասն արտացոլված են դատախազության պատրաստած նոր մեղադրական զեկույցում։ Նման հայատարարություն է արել Դինքի ընտանիքի փաստաբաններից Հաքան Բաքըրջըօղլուն։

Ստամբուլի հայկական «Ակօս» շաբաթաթերթի գլխավոր խմբագրի հետ հարցազրույցի ժամանակ Հաքան Բաքըրջըօղլուն հայտարարել է, թե Դինքի սպանության գործով պետական ծառայողների դեմ հետաքննության շրջանակներում դատախազության պատրաստած մեղադրական զեկույցը, որն արդեն ընդունվել է դատարանի կողմից, իրենց բավարարում է, քանի որ առկա է դիտավորյալ սպանության կետը կամ դիտավորյալ սպանության մասին տեղյակ լինել ու ոչինչ չձեռնարկելու մասին կետերը։

«Մեր պահանջների մեծ մասը ներառվել է մեղադրական զեկույցում, թեեւ որոշ պետական պաշտոնյաներ կրկին չեն հայտնվել այդ մեղադրականում»,-ասել է փաստաբանը՝ շեշտելով, որ Հրանտ Դինքին սպառնացած Ազգային հետախուզության ծառայության աշխատակիցները չկան այդ մեղադրական զեկույցում։

Նշենք, որ Հրանտ Դինքի սպանության մեջ պետական պաշտոնյաների մեղասակցության գործով հետաքննության շրջանակներում դատախազությունը 26 ներկա ու նախկին պաշտոնյաների դեմ մեղադրանքներ է ներկայացրել։ Օրեր առաջ պետական պաշտոնյաների դեմ ներկայացված մեղադրանքներով զեկույցն ընդունվել է դատարանի կողմից։

http://news.am/arm/news/303300.html