Թուրքիան իսլամիստ ծայրահեղականների մի ամբողջական ցանկով կապված է «Իսլամական պետություն» ահաբեկչական խմբավորման հետ և ունի նույն թշնամիները, ինչ ԻՊ-ը. Politico պարբերականի համար գրած հոդվածում ասում է Ստամբուլի Մարմարա համալսարանի դոցենտ, միջազգային հարաբերությունների մասնագետ Բեհլուլ Օզքանը:
Թուրքիայի կասկածելի կապերը ջիհադիստների ցանցի հետ առաջին պլան դուրս եկան ռուսական ինքնաթիռը խոցելու միջադեպից հետո: Ամենասուր հարցերից մեկը, հեղինակի խոսքով, Սիրիայի ընդդիմադիր ուժերի աջակցությունն է. Թուրքիան աջակցում է ապստամբների մի խմբի, նրա դաշնակիցները՝ մեկ այլ: ԻՊ-ի ի հայտ գալուց հետո իրավիճակը սրվեց:
ԱՄՆ-ի որոշ բարձրաստիճան ներկայացուցիչներ Թուրքիային քննադատել են ծայրահեղական իսլամիստների հետ կապեր ունենալու համար: Մասնավորապես, ԱՄՆ փոխնախագահ Ջո Բայդենը հայտարարել էր, որ թուրքերն աջակցում են ում պատահի, միայն կռվեն Ասադի դեմ:
Հեղինակի խոսքով՝ Թուրքիան և ԻՊ-ն այժմ նույն թշնամիներն ունեն՝ քրդերը, շիա արաբներն ու նախագահ Բաշար ալ-Ասադի ռեժիմը, որին Անկարան ցանկանում է տապալել 2011 թվականից՝ «Արաբական գարնան» մեկնարկի սկզբից ի վեր:
http://www.tert.am/am/news/2015/12/20/turkey-isis/1879896
Leave a Reply